موضوع خاص بالنكت

السلام عليكم


اليوم جايبلكم موضوع داخل قسم الترفيه هو النكت اي نكته حطوها هنى يعنى نكت لقسم الترفيه هيا نبدأ انى نبي تفاعلكم راهو



ثلاث شباب شدهم شرطي قعدوا يتجّدوا فيه بيش يسيبهم.
حس الشرطي ان واحد منهم سكران.
قال الشرطي: تو نسأل كل وآحد فيكم سؤال واللي يجاوب يروح..
سأل الأول: من فاز بمباراة برشلونة و ريال مدريد؟
قال: برشلونة.
... ... قال له: روّح..
سأل الثاني: من انتصر في معركة بدر بين المسلمين و الكفار؟
قال: المسلمين.
قال له: روّح..
سأل الثالث: شنو إستنتجت من السؤالين؟
قال له: بـرشلونـة و المسلميـن في النـهائـي

هههههه حلوات

ليبي مشي لي امريكا يزور في صديقه
فطلعو يتمشو في احد المناطق في امريكا
شافو كلاب يوزعو في الجرايد اليوميه
فقال الامريكي لليبي شوف الكلاب عندنا يوزعو جرائد
وبعد شهر رجع خونا لي ليبيا ومعاه الامريكي
... ومشو لي منظقة فيها رابش
فضرب الليبي ( برشادة )واحدة من السيارات الموجوده في الرابش
فطلع من تحت السياره قطوس مصخ من زيت السياره
فقال الليبي للامريكي : هذا ميكانيكي عندنا

فأغمى على الامريكي

الليبي الليبي كدب عليك

واحد غبى على نياته تزوج وحدة..
وبعد أربع شهور ونص جابت ولد
سألها الغبى : هذا الولد كيف جئ ؟؟
ونحنا متزوجين من أربع شهور ونص ؟!!

قالت له : أنت متزوجني من امتى ؟؟
قال : من أربع شهور ونص
قالت له : وأنا من أمتى تجوزتك؟
قال : من أربع شهور ونص

قالت له : هكى بيصيروا 9شهور

قال الغبى :

الله يلعن الشيطان .. تفكيري مشى لبعيد
اسف حبيبتى ظلمتك

ولد 24 ساعة على النت جاله بوه قاله كان متقراش نقطع عليك النت , قاله الولد انت عارف أخر واحد قطع علينا النت شن درنه فيه ....

في واحد رافع كيس حوت قابل واحد غبي قاله لو عرفت شني في الكيس نعطيك منه حوتة
.
.
.
.
.
.
.
.
قاله بحر

مرة في سواق تاكسي ركب معه شيخ..
طبعا سواق التاكسي امشغل الراديو امشي قاله الشيخ في عهد الرسول كان في راديو
رد عليه سواق التاكسي قاله (لا )امشي قاله الشيخ خلاص سكره ...سكر الراديو...
طلع صاحب التاكسي دخان بيدخن...امشي قاله الشيخ في عهد الرسول كان في دخان
رد عليه سواق التاكسي قاله (لا) امشي قاله الشيخ خلاص لوحه...
طبعا سواق التاكسي شد افرينوا ووقف السيارة وقال للشيخ في عهد الرسول كان في تاكسيات
رد عليه الشيخ وقاله (لا)...قاله خلاص انزل واستنى قافلة قريش قريب توصل...
ههههههههههه....

في واحد غبي قعد يدعي في ربه 15 سنة يرزقة ولد ... اخر شي جاه وحي بالمنام قاله : تي برا تجوز

واحد كذاب قاعد يكذب على صاحبه:

قال : تصدق اني يوم ما مشيت لافريقيا كنت ساكن... فى فندق فى وسط الغابه
فتحت الروشن لقيت المناظر حلوه

... ... ... قلت لمراتي البسي نطلعو نتمشو بالغابه, لبست (فى دقيقتين) ونزلنا
وحني نمشو طلعلنا نمر يبي ياكلنا
مشيتله وشديته من رقبتة وخنقته لين مات
وبعدين طلعولنا 5 نمور طلعو صحاب النمر اللي قتلته يبو ينتقمو مني
بوكس بوكس في وجهم عالماشي ماتوا مع صاحبهم

الراجل التانى ..ميت من الضحك
قاله الكذاب : شن في خيرك تضحك ؟.

قاله : انت كذاب معقولة مراتك لبست فى دقيقتين بس؟؟

عزوز راكبة تاكسي وطول الطريق وهي كل مرة اتمد للسواق حبت كاكاوية ولما وصلت سئلها السواق شن قصة الكاكاوية اللي من بكري وانتي اتمديلي فيها بالحبة قتله والله يا وليدي ماعندي سنون للسنكرس نمص ف الشكلاطة ونعطيك الكاكاوية..!